Aaj sari duniya me Islam ki aabadi itni zyada hone ke bawajood zaruriyate Islam ka khule aam mazaq bnaya jata hai kahin baniye Islam pyaare Aaqaﷺ ki zat par gustakhana alfaz bole jate hain itna sab kuchh ho jane ke baad bhi ham or aap jaise Musalman kehlane wale log khamosh nazar aate hain kya yahi hamare dilon me islam ka waqar hai kya hamne islam ko bas itna hi mana hai ki koi hamare mazhab or wo mazhab jiske bare me khud rab ta'ala farmata hai "BESHAK ALLAH KE NAZDEEQ DEEN ISLAM HAI." Us deen ko koi kuchh bhi bol de or ham par koi asar tak na ho.
Nahi ek musalman ki shan ye nahi deene mustafa ke manne wale to deen ke khilaf ek lafz bhi bardasht nahi karte to aakhir ham aise kyun ho gaye hamari buzdili ki wajah kya hai beshak deen se doori ne hi hame buzdil bana diya hai. Ek Musalman ki asl taqat Mustafa jane rehmatﷺ ki mohabbat hoti hai hamne apne dilo ko ishqe Rasoolﷺ se is qadar door kar liya ki aaj na hamara namazo me dil lagta hai na khuda ke zikr me.
Aaj jab ham deen se itne door ho gaye to isme shak nahi ke kal hamari naslo ke dilo se Deene Islam hi ko nikal diya jae . Aaj waqt hai har musalman apne dilo ko us ishqe mustafa se roshan kar le jise pakar sahaba waqt ke azeem hasti bane jiski badolat islam ki puri duniya par hukumat hui aaj agr ham bhi sache musalman ban jaen to islam fir sari duniya par ghalib ho jaega.
"Na samjhoge to mit jaoge aye hindi musalmano
Tumhari dasta tak bhi na hogi dastano me"
(Dr. Iqbal)
Dua- Allah kareem apne Mehboobﷺ ke sadqe ham musalmano ke dilo ko ishqe Mustafaﷺ se munawwar kare or sacha musalman banne ki taufeeq ata farmae. Aameen
Az-Qalam : Nazra Fatima Razviyyah
NOTE : POST ME LIKHI GAYIN BAATEN WRITER KI ZAATI TAHREER HAI NA KE ILM-UL-HUDA KI
We Offer Lots Of Islamic Courses For Girls In Online Mode
For More Information Visit On : Courses
Comments
Post a Comment