Al-Jawab : Rasulallahﷺ ne farmaya ki Ek momin ke dusre momin par 6 haq hain 1) Jab wo bimar ho to iyadat kare. 2) Or jab wo mar jae to uske janaze me hazir ho. 3) Or jab wo bulae to ijabat kare yani hazir ho. 4) Or jab usse mile to salam kare. 5) Or jab chhinke to jawab de. 7) Or hazir-O-ghayab uski khair khwahi kare.
Masla : Salam ka jawab fauran dena wajib hai bila uzr takhair ki to gunahgar hoga or ye gunah jawab dene se dafa na hoga balki tauba karni hogi
(Durr-e-Mukhtar wa Radd-ul-Muhtar)
LIKHE HUE SALAM KA JAWAB
Jo salam likha hua hota hai uska bhi jawab dena wajib hai or yahan jawab do tarh ka hota hai ek ye ki zaban se jawab de or dusri surat ye ki salam ka jawab likh kar bhej de.
(durre mukhtar)
Likh kar jawab dena mustahab hai.
Magar chunki jawab-e-salam fauran dena wajib hai jaisa ki upar mazkoor hua to agr fauran tehriri jawab na ho jaisa ki umooman yahi hota hai to zaban se jawab fauran de de taki takhair se gunah na ho isi wajah se Allama sayyed Ahmad tahtawi ne is jagah farmaya و *الناس عنه غافلون* yani log isse ghafil hain. Aalahazrat qiblah qaddasa sirrahu jab khat padha karte to khat me jo Assalamualaikum likha hota hai us ka jawab zaban se de kar baad ka mazmoon padhte.
AGAR KOI EK MEHFIL KO SALAM KARE TO KYA SAB KA JAWAB DENA WAJIB HAI?
Masla : ek jamat dusri jamat ke paas aayi or kisi ne salam na kiya to sab ne sunnat ko tark kiya sab par ilzam hai or agr unme se ek ne salam kar liya to sab bari ho gaye or afzal ye hai ki sab hi salam karen, yu hi agr unme se kisi ne jawab na diya to sab gunahgar hue or agr ek ne jawab de diya to to sab bari ho gaye or afzal ye hai ki sab jawab den.
( Fatawa Aalamgiri, Qanoone shareeat-Salam ka bayan)
Khulasa-
Is masle ki roshni me ye samjh aaya ki jab kisi jama'at ya group me salam kiya jata hai to agar koi bhi us salam ka jawab na de to sab gunahgar honge or agr kuchh log us salam ka jawab de den to sab jawab ki qaid se bari ho jaenge lekin afzal ye hai ki sab salam ka jawab den.
(Wallahu wa Rasooluhuﷺ A'alam)
Katabahu : Aalima Nazra Fatima Razviyyah ( Principal Idara Ilmulhuda Online)
NOTE : HUMSE KISI BHI TARAH KA DEENI SAWAL KARNE KE LIYE HUME APNA SAWAL LIKH KAR BHEJE HAMARE OFFICIAL WHATSAPP NUMBER PAR - +91 8765665732
We Offer Lots Of Islamic Courses For Girls In Online Mode
For More Information Visit On : Courses
