Islaam kya hai.?
Agar insaan aql or dil ki nigaah se dekhe to saari achhaiyan jis ek mazhab me jama hai wo islaam hai. Islaam ki buniyaad or neew ye hai ki banda ye yaqeen rakhe ki is duniya ka nizaam chalane wala, hame zindagi or maut dene wala, koi to hai jo bohot shaan wala hai, wo jo bohot ibaadat ke layaq hai or wo sirf Allah hai.
Aap ye kaise keh sakte hain ki Allah ne hi is duniya or duniya ki har cheez ko paida kiya.?
"Creater know's evrything about his creation" ghar banane wala janta hai usne kis tareeqe se Ghar banaya ese hi anaaj ugane wala jatna hai usne anaaj ugaane ke liye kya kya tariqe apnae ese hi is duniya ko paida karne wala hi janta hai usne ye duniya kis tarah banai, kitne din me banai, pehle kya banaya or uske baad kya banaya, Allah paak quraane majeed me irshaad farmata hai -
wo hi to tumhara rab hai jisne zameen or aasmaan ko 6 din me banae (7/54)
wo hi to hai jisne tumhare liye zameen or zameen ki sab cheezen banai fir aasmaan ki taraf mutawajjah hua. (1/29)
Fir ham hi ne nutfe ko jama hua khoon banaya fir ham hi ne jame hue khoon ko gosht ka lothra banaya ham hi ne lothre ki haddiyan banain fir ham hi ne haddiyon par gosht chadhaya fir ham hi ne usko eh dusri surat me paida kiya to khuda bohot barkat wala sabse achha banane wala hai. (23/14)
Quraan me kayi maqaam par Allah ta'ala isi tarah duniya ke paida karne or paida karne ki nishaniyon ko zikr farmata hai jisse har aql wale par ye baat khul jaati hai ki jisne is duniya ko paida kiya wo sirf Allah hai.
Az-Qalam : Nazra Fatima Razviyah
